تدري ويش يعني الأماكن

 

تدري وش معنى الأماكن

يانبض قلبي وعمري
الأماكن
ماهو صوت أبو نورة
يوم غنى
( الأماكن كلها مشتاقة لك)
الأماكن
يعني حبك في الحشا يا خلي ساكن
الأماكن
يعني أنت صرت في قلبي مواطن
لالا أكبر..
لالا أكثر..
أنت سيد للخفوق..
وأنت آمر..
وأنت ناهي..
وأنت بس اللي عيوني في غيابك قد تباكن

الأماكن
بإختصار كل لونٍ صار داكن
وكل جرحِ زاد نزفه
الأماكن

آه لو تدري ياعمري..
الأماكن
كيف صارت من رحيلك

في عيوني صارت الدنيا سواد
وأستوطنت كل المآسي ذا الفواد

كل ماحولي توقف..
الثواني..
الدقايق..
حتى أسراب الحمام..

وصرت أشوفك في الزوايا
وفي سهادي وصحوتي
في كل ركن بغرفتي
وألمح طيوفك في المرايا
صرت أشوفك في الحنايا
بين أضلاعي وحشايا
وفي سطوري لك قصائد كلها شوق ووله

الاماكن
صرت أشوفك في عيوني..
مزنة ما بها مطر
واحة ما بها زهر

الاماكن
يعني مشتاقة لضمك..
وأبكي بشوق على حضنك
وألمك بصدري مثل طفل مشتاق لامه
مثل طفل فرحة العيد في عيونه
آه محتاجه حنانك
في كل ليل وكل مساء
مشتاقة أنك تناديني أنت أمي ياكل الملا
الأماكن
يعني الدنيا بلياك مافيها حلا
يعني السعادة فارقتني من رحلت ياكل الغلا
يعني ليلة ظلماء في عيوني أنا
الأماكن
لما تتراءى طيوفك في منامي
لما ألمس كفوفك
وتصرخ بعالي صوتك
مو بس أنا حبيبي
حتى قلبي
حتى عيني
حتى روحي
حتى دمعي
وأغلى مافي ا لحشا
ينادي مشتااافلك
آه لو تدري حبيبي كيف تبكي الزوايا
كيف تذرف دموعي من رحلت
ترتجي وجودك في هالكون
ويكفيني أناظر عيونك
و شوفك يغنيني عن كل الملا..